Ընդգծել ենթակաները, դուրս գրել ստորոգյալները, որոշել տեսակները՝ պարզ կամ բաղադրյալ։
Վայրի վարազի պես էր անտառապահ Պանինը։ Մի հրեշ էր նա՝ անտառապետի տարազով, կոկարդով գլխարկը գլխին։ Անտառում հանկարծ կերևար, փայտահատի կողքին կկանգներ, կնայեր, թե ինչպես նա արագ կացնահար է անում ծառը։ Մեկ էլ, թաքստոցից դուրս կգար, կմռնչար այնպես, որ արջերն էլ էին քնից զարթնում և որջերում մռռում։ Լեղապատառ փայտահատին մնում էր կամ փախչել, կամ օձի պես ծռմռատել Պանինի մտրակի հարվածների տակ։
Պանինը որսորդ էր։ Վեց շուն ուներ, մեկը մյուսից կատաղի։ Շների հետ որսի էր գնում Մթնաձորի խորքերը։ Ձմռան լուսնյակ գիշերներին, երբ վախից ոչ ոք չէր մոտենում Մթնաձորին, Պանինի շներն անտառի բացատում արջի հետ էին կոխ կենում, կամ հալածում էին խրտնած պախրային։
Պանինը վազում էր շների հետևից, հրճվանքից ճչում։ Գիշերվա որսը նրա համար հարազատ տարերք էր։
Առավոտը բացվում էր, ձյունի վրա արյան շիթեր էին երևում, այստեղ-այնտեղ խառնիխուռն հետքեր, խեղդված գայլի դիակ, կոտրատած ճղներ։ Մի փչակի մոտ նստում էր Պանինը, մինչև շները որսի միսն ուտեն։
Նա սպանած և ոչ մի կենդանու ձեռք չէր տալիս և շներին կշտացնելուց հետո վերադառնում էր տուն։ Եթե ճանապարհին տեսներ մեկին գողացած փայտը շալակին, Պանինի շները պիտի հարձակվեին նրա վրա, հալածեին, մինչև քափ-քրտինքի մեջ կորած, արյունլվա մարդը կարողանար մի տեղ պատսպարան գտնել։

Բաղադրյալ ստորոգյալներ՝ պես էր, հրեշ էր, որսորդ էր, տարերք էր
Պարզ ստորոգյալներ՝ կերևար, կկանգներ, կնայեր, կմռնչար, զարթնում, մռռում, ծռմռատել, մնում էր, փախչել, ուներ, գնում, չէր մոտենում, կոխ կենում, հալածում էին, վազում էր, ճչում, բացվում էր, երևում, նստում էր, ուտեն, չէր տալիս, վերադառնում էր, պիտի հարձակվեին, տեսներ, հալածեին, կարողանար, գտնել

Դուրս գրել ենթակաները, նշել, թե ինչ խոսքի մասով են արտահայտված։
Լուսաբացի շողքը երդիկից ներս էր ընկել, կարպետի վրա կաթնագույն շրջան գծել, երբ Սաքանը զարթնեց, տրեխները հագավ:
Ասյայի մոտով անցնելիս նա տեսավ սպիտակ շորը, վիզը, ուսի մի մասը, ուսի վրա սպիտակ շորի բարակ մի կտոր: Արագ մոտեցավ դռանը, մանգաղն առավ, դուրս եկավ:
Տան առաջ, առվի մոտ երեսը լվաց, սրբեց չուխի ծայրով, իջավ ձորը, այգում խոտ քաղելու: Ճանապարհին Սաքանը մի միտք էր անում՝ մե՞րկ էր քնել Ասյան, թե շապիկ կար հագին. եթե շապիկ կար, ինչո՞ւ ուսը բաց էր, գուցե կողքի սպիտակ շորը նրա շապի՞կն էր:
Կովը շուտ-շուտ գոմի դռանն էր նայում, հորթուկին լիզում, վիզը ախոռի փայտերին քսում, քերում: Տանն արդեն զարթնել էին, տեղաշորը հավաքել, կինը օջախն էր վառել, թեյի պատրաստություն էր տեսնում, երբ Սաքանը թարմ խոտի երկու խուրձ շալակին եկավ տուն:
Խոտի խուրձը կովի առաջ շաղ տալիս Ասյան էլ էր կանգնած Սաքանի կողքին: Նա ծիծաղում էր, երբ հորթը դունչը մեկնում էր կանաչ խոտին, հոտոտում և ոտքերը երերալով փախչում, գլուխը թաղում մոր կուրծի մեջ:

Գոյական
1. Առանձնացրու անձնանիշ և իրանիշ գոյականները:
Անձնանիշ
Վրացի, թզուկ, վաճառական, ուղևոր, հայ, վիրաբույժ, հնդկացի, դերասան, հացթուխ, խոհարար, լրտես, հետախույզ, կառապան
Իրանիշ
Որմնադիր, պատ, պատշար, թիզ, ձիակառք, վաճառատուն, ուղեվարձ, վերելք, հնդկացորեն, դերանուն, հացաբույս, խոհանոց, լրագիր, հետևանք, Վրաստան, Հայաստան

2. Առանձնացրու թանձրացական և վերացական գոյականները:
Վերացական
Հույս, կասկած, պատիվ, ճաշակ, տառապանք, խիղճ, չարություն, բնավորություն, արձագանք, հուշ, բողոք
Թանձրացական
Թռչուն, նկար, հուշարձան, վերարկու, ճաշ, երաժիշտ, քար, ծառ, դասագիրք

3. Որտեղ անհրաժեշտ է, գրիր մեծատառով:
Միջին Ասիա, Բելոռուսի Հանրապետություն, Ուրմիա լիճ, Ռուսաստանի Դաշնություն, Հնդկական օվկիանոս, Կարմիր ծով, Գեղամա լեռնաշղթա, Մխիթարյան միաբանություն, Սև ծով, Շարայի լեռներ, մայրաքաղաք Երևան, Ձենով Օհան, Սասունցի Դավիթ, Անբան Հուռի, Պարզ լիճ, Սյունիքի մարզ, Տիգրան Մեծ, Ախուրյան գետ, Պարույր Սևակ, Արտաշես Բարեպաշտ, Նորքի զանգված:

4. Ածանցների օգնությամբ հասարակ գոյականները դարձրու անձնանուններ:
Քնար, թագ, նազ, վարս, վարդ, շող, արծիվ, սաթ, խաչ:
Օրինակ՝ լեռ-Լեռնիկ, Լեռնուհի:
Քնարիկ, թագուհի, թագավոր, Նազելի, Նազիկ, Վարսիկ, Վարսենիկ, Վարդան, Վարդուհի, Շողիկ, Արծվիկ, Սաթենիկ, Խաչիկ,

5. Յուրաքանչյուր շարքից վերցրու մեկական գոյական և կազմիր վեց բարդ գոյական:
ա. որս, գյուղ, գիծ, գիր, լեռ, զարկ:
բ.  նկար, շղթա, սեղան, երակ, պետ, գող:
Զարկերակ, գրասեղան, լեռնաշղթա, գծանկար, գյուղապետ, որսագող

ա. հայր, պատկեր, արշավ, ճակատ, երկաթ, հաց:
բ.  սրահ, մարտ, գործ, խումբ, պետ, տուն:
Պատկերասրահ, արշավախումբ, ճակատամարտ, երկաթագործ, հայրապետ, հացատուն

6. Առաջին շարքի գոյականներից և երկրորդ շարքի վերջածանցներից հնարավոր բոլոր տարբերակներով կազմիր ածանցավոր գոյականներ:
ա. հյուր, ոսկի, թագ, գազան, հավաք, ժամ, հեծանիվ, իշխան, որս, ցույց, դատ, ճանապարհ, բառ, ներկ, երշիկ, խորհուրդ:
բ. -անակ, -անոց, -արար,- որդ, -ավոր, -արան, -եղեն, -ուհի:
Թագուհի, հյուրանոց, ոսկեղեն, գազանանոց, հավաքարար, ժամանոց, հեծանվորդ, իշխանուհի, որսորդ, ցուցանակ,դատավոր, ճանապարհորդ, բառարան, երշիկեղեն, խորհրդարան

7. Տրված գոյականների հոլովված ձևերը դարձրու ուղիղ:
Ծովի, անկյան, ընկերուհու,
Օրինակ՝ ծովի-ծով:
Անկյան — անկյուն
ընկերուհու — ընկերուհի
կնոջ — կին
ամսվա — ամիս
առվի — առու
մարդու — մարդ
հոգուց — հոգի
սրտով — սիրտ
մոր — մայր
ծաղկին — ծաղիկ
բալենու — բալենի
գարնան — գարուն
կավճով — կավիճ
սրբից — սուրբ
մանկության — մանկություն
պատվով — պատիվ
տիրոջից — տեր
շարժման — շարժում
ամուսնուն — ամուսին
ձվի — ձու
արյան — արյուն
աշնան — աշուն
քեռակնոջից — քեռակին
քեռու — քեռի
որդուն — որդի
սյան — սյուն
գառան — գառ
գինու — գինի
գրքում — գիրք
կատվին — կատու
շան — շուն

8. Կազմիր տրված բառերի հոգնակին:
Սուտ — ստեր
բեռ — բեռներ
փունջ — փնջեր
կին — կանայք
մարդ — մարդիկ
աստղ — աստղեր
գունդ — գնդեր
արկղ — արկղեր
լեռ — լեռներ
դերասան — դերասաններ
հարս — հարսներ
հյուրատուն — հյուրատներ
շուն — շներ
կողմնացույց — կողմնացույցներ
իտալացի — իտալացիներ
ձի — ձիեր
լու — լվեր
պատշար — պատշարներ
գրագիր — գրագիրներ
դուռ — դռներ
սանր — սանրեր
գինեգործ — գինեգործներ
նուռ — նռներ
սիրտ — սրտեր
ծառաբուն — ծառաբներ
սեղան — սեղաններ
գիրք — գրքեր
տետր — տետրեր
ծունկ — ծնկեր
կայսր — կայսրեր

9. Յուրաքանչյուր բառաշարքում ընդգծիր եզակի թվով հինգ գոյական:
ա. գրաբեր, բուսակեր, աղանդեր, բուլդոզեր, տարբեր, եթեր, առընթեր, դասընկեր, դարիվեր:
բ. կայքեր, պատկեր, ավեր, լապտեր, թխահեր, թիեր, պատվեր, լվեր, ստվեր, ուլատեր:
գ. տանտեր, աներեր, գիշեր, կրտսեր, թթվասեր, անտեր, հրավեր, բնավեր, նվեր