Մենք՝ Փիրումյաններս, արմատներով Արցախից ենք:
Փիրումյաններից շատերը եղել են զորավարներ, ինչի համար նրանք ստացել են Բեկ մասնիկ, որը նշանակում է հարյուրապետ, իշխան։ Բեկ-Փիրումյանները եղել են Արցախի Ասկերանի շրջանի Նախիջևանիկ գյուղի իշխանները։ Մինչ օրս այդտեղ պահպանվել է տոհմական գերեզմանատունը, որը մենք ընտանիքով այցելել ենք 2018 թ․ ամռանը։
Իմ նախապապերը հայտնի զորավարներ են եղել․ Աբիսողոմ, Արշակ, Հովսեփ, Դանիել և Պողոս Բեկ-Փիրումյանները։ Դանիել և Պողոս Բեկ-Փիրումյանները մասնակցել են 1918 թվականի մայիսի Սարդարապատի ճակատամարտին։
Մեր տոհմի նախապապն է Բայանդուր իշխանը, ով եղել է զորավար Դավիթ Բեկի աջակիցը և մտերիմը։ Բայանդուրը ունեցել է որդի Փիրում անունով, որտեղից և առաջացել է մեր ազգանունը՝ Փիրումյան։ Իմ նախապապերը՝ զորավարներ Դանիել և Պողոս Բեկ-Փիրումյանները, ակտիվ մասնակցություն են ունեցել 1918 թվի մայիսի Սարդարապատի ճակատամարտին։
Ընտանիքիս անդամների անունների նշանակությունը
Էլինա (մայրիկս) — ունի Հունական ծագում, նշանակում է հույն կին
Տիգրան (հայրիկս) — ունի Պարսկական ծագում, պարսկերենից թարգմանաբար նշանակում է վագր
Վիկտորիա (քույրիկս) — ունի լատինական ծագում, նշանակում է հաղթանակ
Ալեքսանդր (եղբայրս) — ունի հունական ծագում, նշանակում է ղեկավար
Կարինե (տատիկս) — ունի լատինական ծագում, նշանակում է խելոք կամ սիրելի
Արփի (ես) — ունի հայկական ծագում, նշանակում է արեգակ կամ արև
୨ৎ Արփի Փիրումյան 𝜗ৎ 