« ԳԱՐՆԱՆԱՄՈՒՏ» (Վահան Տերյան)
Քնքշաբույր ծաղկանց հրեղեն խաղով
Ժպտում են նորից անտառ ու ձորակ,
Եվ հեղեղները խոսուն-սառնորակ
Ողջունում են ինձ զվարթ ծիծաղով։
Զուգել ես նորից դաշտ, անտառ ու լեռ,
Գարո՜ւն, ամեն տեղ նոր կյանք ես վառել
Իմ սրտում էլ ես թևերըդ փռել,
Իմ հոգում էլ ես հրդեհել նոր սեր։
Եվ ահա կրկին զվարթ ու ջահել,
Դուրս ելա տխուր մենության բանտից.
Պայծառ աչքերըդ ողջունում են ինձ,
Եվ ես չեմ կարող իմ ճիչը պահել։
Բացել ես իմ դեմ ոսկեղեն հեռուն,
Ծաղկել ես սարո՛ւմ, անտառո՛ւմ, արտո՛ւմ,
Ուրիշ երգեր են հնչում իմ սրտում —
Ողջո՛ւյն քեզ, արև, ողջո՛ւյն քեզ, գարուն…
1908
ՄԵԿՆԱԲԱՆՈՒԹՅՈՒՆՆԵՐ
«ՄԹՆՇԱՂԻ ԱՆՈՒՐՋՆԵՐ» — Վ, Տերյանի բանաստեղծությունների անդրանիկ գրքույկը։
Ներկա հրատարակությամբ* լույս է տեսնում 6-րդ անգամ. առաջին անգամ՝ 1908 թվականին, առանձին գրքով, ապա՝ 1912-ին «Բանաստեղծություններ» ժողովածուում, 1923-ին «Երկերի ժողովածուի» առաջին հատորում, 1940-ին «Բանաստեղծություններ» ժողովածուում, 1950-ին «Երկերի ժողովածուի» I հատորում։
1.Կարդա՛ բանաստեղծությունը։
2.Գտիր բառակապակցությունները։
Զվարթ ծիծաղ
Պայծառ աչքեր
Նոր սեր
3.Գտիր փոխաբերական իմաստով արտահայտված բառերը և անծանոթ բառերը։
Ուրիշ երգեր են հնչում իմ սրտում
Պայծառ աչքերըդ ողջունում են ինձ
Գարո՜ւն, ամեն տեղ նոր կյանք ես վառել
Ժպտում են նորից անտառ ու ձորակ
୨ৎ Արփի Փիրումյան 𝜗ৎ 